อปฺปมาทรตา โหถ สจิตฺตมนุรกฺขถ ทุคฺคา อุทฺธรถตฺตานํ ปงฺเก สนฺโนว กุญฺชโร.

อปฺปมตฺตา สตีมนฺโต สุสีลา โหถ ภิกฺขโว สุสมาหิตสงฺกปฺปา สจิตฺตมนุรกฺขถ.

อปฺปมตฺโต ปมตฺเตสุ สุตฺเตสุ พหุชาคโร อพลสฺสํว สีฆสฺโส หิตฺวา ยาติ สุเมธโส.

อปฺปมาทรตา โหถ.
“ท่านทั้งหลาย จงเป็นผู้ยินดีในความไม่ประมาท”
(ขุ.ธ. 25/58)

อปฺปมาเทน สมฺปาเทถ.
“ท่านทั้งหลาย จงยังความไม่ประมาทให้ถึงพร้อม”
(ที.มหา. 10/180, สํ.ส. 15/231)

อปฺปมตฺโต อุโภ อตฺเถ อธิคฺคณฺหาติ ปณฺฑิโต.
“บัณฑิตผู้ไม่ประมาท ย่อมได้รับประโยชน์ทั้งสอง”
(สํ.ส. 15/126, ขุ.อิติ. 25/242, องฺ.ปญฺจก. 22/53)

อปฺปมตฺโต หิ ฌายนฺโต ปปฺโปติ วิปุลํ สุขํ.
“ผู้ไม่ประมาทพินิจอยู่ ย่อมถึงสุขอันไพบูลย์”
(ม.ม. 13/488, สํ.ส. 15/36, ข.ธ. 25/18, ขุ.เถร. 26/390)

อปฺปมตฺตา น มียนฺติ.
“ผู้ไม่ประมาทย่อมไม่ตาย”
(ขุ.ธ. 25/18, ขุ.ชา.ตึส. 27/524)

อปฺปมาเท ปโมทนฺติ.
“บัณฑิตย่อมบันเทิงในความไม่ประมาท”
(ขุ.ธ. 25/18)

อปฺปมาทํ ปสํสนฺติ.
“บัณฑิตย่อมสรรเสริญความไม่ประมาท”
(สํ.ส. 15/126, องฺ.ปญฺจก. 22/53, ขุ.ธ. 25/19, ขุ.อิติ. 25/242)

อปฺปมาทญฺจ เมธาวี ธนํ เสฏฺฐํว รกฺขติ.
“ปราชญ์ย่อมรักษาความไม่ประมาทไว้ เหมือนทรัพย์ประเสริฐสุด”
(ม.ม. 13/488, สํ.ส. 15/36, ขุ.ธ. 25/18, ขุ.เถร. 26/390)

อปฺปมาโท อมตํ ปทํ.
“ความไม่ประมาท เป็นทางไม่ตาย”
(ขุ.ธ. 25/18, ขุ.ชา.ตึส. 27/524)

อุฏฺฐาเนนปฺปมาเทน สญฺญเมน ทเมน จ ทีปํ กยิราถ เมธาวี ยํ โอโฆ นาภิกีรติ.

เอวํวิหารี สโต อปฺปมตฺโต ภิกฺขุ จรํ หิตฺวา มมายิตานิ ชาติชรํ โสกปริเทวญฺจ อิเธว วิทฺวา ปชเหยฺย ทุกฺขํ.

อปฺปมาทรโต ภิกฺขุ ปมาเท ภยทสฺสิ วา อภพฺโพ ปริหานาย นิพฺพานสฺเสว สนฺติเก.